المساعد الشخصي الرقمي

مشاهدة النسخة كاملة : اللي يعرف اعراض خراب طرمبة البنزين يتفضل



الاسطوره_S500
12-12-2012, 22:10
سلالام عليكم

يااخوان وش هي اعراض خراب طرمبة البنزين للشبح موديل 96 500

وبعدين عندي صوت خافت جدا ومتقطع يعني اللي مايدقق فيه مراح يلاحظ صوت بس اسمعه في الخلف بس وين مدري طبعا لمن تكون السياره واقفه وشغاله

من حبي الزايد في السياره شكلي بوسوس:rolleyes:

ادعس ولاتنعس
13-12-2012, 14:15
سلالام عليكم

يااخوان وش هي اعراض خراب طرمبة البنزين للشبح موديل 96 500

وبعدين عندي صوت خافت جدا ومتقطع يعني اللي مايدقق فيه مراح يلاحظ صوت بس اسمعه في الخلف بس وين مدري طبعا لمن تكون السياره واقفه وشغاله

من حبي الزايد في السياره شكلي بوسوس:rolleyes:

خخخخخخخ .... لسى توك في بداية الوسوسة ..... انصحك بعدم التعلق بالسياره .... راح تشوفها في احلامك ...

هذا الصوت يصدر من طرمبة البنزين الكهرب .... صوته ازززززز

اذا هذا الصوت متقطع فالطرمبة على وشك خراب وانتبه منها احيانا وانت ماشي لمى تسخن تنتع السياره

شوف لك حفرة بنشر وانزل تحت السياره وتأكد من وضع الطرمبة وتقبل مروري ...

akram_1402
13-12-2012, 17:56
السلام عليكم
لسا خراب الطرمبة عندك بياخذ وقت
اذا صوت الازززز قوي بيمشيك الين ما توقف وانت في الطريق :d يعني راح تتعطل بسبب سخونة الطرمبة
واذا كانت الفلتر عندك قديم انصححك تغيرها عشان لا يكتم الطرمبة ويسخن
واذا تعطلت في الطريق ما يحتاج تجيب سطحة انتظر ربع ساعة او نص عشان تبرد الطرمبة
بعدها الحق قطع الغيار
وحالة ثانية للخراب ان الطرمبة تصلب عليك بعض الاحيان تشتغل وبعض الاحيان ما تشتغل ( في بداية التشغيل )

الشمري500
13-12-2012, 21:22
لاتوسوس ولا شي الصوت ( ززززززز ) مو دليل ان الطرمبه على نهايتها .
عندي الصوت مرات يقوى ومرات يخف من ثلاث سنوات وللحين ماشيه .

الاسطوره_S500
13-12-2012, 23:17
ماقصرتو الله يعطيكم العافيه كلا باسمه

Waleed 320
14-12-2012, 06:08
انا اشوف افضل حل انك تفحص الطرمبه عند كهربائي او ميكانيكي متخصص

وماتكلفك ٥٠ ريال

عاشق الشبح 07
23-02-2013, 10:50
عندي نفس سيارتك 96 s500 وسمعت صوت الطرمبة زززززززز وطنشته ولما سخنت الطرمبة قطٌعت السيارة بعد 500 كم وطفت خخخخ انتظرت ربع ساعه تقريباً وشغلت واشتغلت ومشيت بها 3 أيام في ابها والجو بارد ورحت شريتها جديده وركبتها واختفى الصوت وصارت الامور تمام التمام

mal6ayar
28-02-2013, 20:11
حبيبي من علامات خراب الطرمبة

اذا شغلت السيارة بالصباح راح تشتغل تمام من نقرة وحدة لكن اذا طلعت عليها مشوار وطفيتها ورجعت شغلتها ماتشتغل من نقرة وحدة هنا دليل ان الطرمبة فيها ضعف

الاسطوره_S500
28-02-2013, 20:29
حبيبي من علامات خراب الطرمبة

اذا شغلت السيارة بالصباح راح تشتغل تمام من نقرة وحدة لكن اذا طلعت عليها مشوار وطفيتها ورجعت شغلتها ماتشتغل من نقرة وحدة هنا دليل ان الطرمبة فيها ضعف
الله يعطيك العافيه ماقصرت

fuad93
02-03-2014, 02:00
السلام عليكم ارجو منكم المساعده
سيارتي شبح موديل93 se300 في قمة النظافه ولله الحمد
لكن طلع ليا صوت في الطرمبه حقت النزين (زززززززز) ورحت غيرت طرمبتين من نوع بوش مع الفلتر
وراح الصوت ولله الحمد لكن تاني يوم رجع الصوت ورجعت للورشه وقالي فلتر التانكي الداخلي ماسك فيه وصخ ما اقتنعت بكلامه ورحت لورشه تانيه قالي الطرمبات خربانه وانا قايل له مغيرها جديده احترت الان اش اسوي ارجو افاتدي ولكم خالص الشكر اخوكم fuad

dab370
02-03-2014, 03:08
وعليكم السلام. سافر عليها او امسك لك خط و اذا شهقت معك على 160 او 180 هذا دليل على انتهاءها
وكذلك اذا كان صوت الازززززززززززززززز عندك مرتفع صوته وهي واقفة دليل اخر
والافضل قبل كل شي تغير صفاية البنزين
اتمنى اني افدتك ..

عبدالعزيز التميمي
02-03-2014, 13:42
السلام عليكم ارجو منكم المساعده
سيارتي شبح موديل93 se300 في قمة النظافه ولله الحمد
لكن طلع ليا صوت في الطرمبه حقت النزين (زززززززز) ورحت غيرت طرمبتين من نوع بوش مع الفلتر
وراح الصوت ولله الحمد لكن تاني يوم رجع الصوت ورجعت للورشه وقالي فلتر التانكي الداخلي ماسك فيه وصخ ما اقتنعت بكلامه ورحت لورشه تانيه قالي الطرمبات خربانه وانا قايل له مغيرها جديده احترت الان اش اسوي ارجو افاتدي ولكم خالص الشكر اخوكم fuad

وعليكم السلام

أخوي فؤاد

صوت طرمبه البنزين زززززز هذا عادي انا غيرت طرمبه بنزين وبعدها بشهرين تقريباً طلع الصوت وهي جديده ولا ضعف العزم ولا حاجه

الفرق ان صوت الطرمبه ززززز يكون متقطع زززز ززززز مو على طول هذا يعتبر ان الطرمبه على وشك

وبإمكانك بعد مشوار قياس ظغط طرمبه البنزين بساعه قياس تقريباً نفس قياس ظغط الفريون ولازم مايقل ظغطها عن 6

وطرمبه البنزين القديمه اذا كانت معك هذا شيء طيب ممكن مافيها مشاكل

والشبح موديلات 96 فما فوق تفرق عن القديمه

وأمش على موترك إن شاء الله مافيه الا العافيه

وبالتوفيق

fuad93
12-03-2014, 14:05
تسلم اخوي اخوي عبدالعزيز وماقصرت