وين يروح الزيت ؟؟؟

**مهند السردي** · 12-03-2012 01:28

السلام عليكم ورحمة الله وبركاته ...

ياشباب انا سيارتي تنقص زيت نقص مو طبيعي 300se 1988

يعني تقريبا كل 10 ايام علبه , وشيكت على السيارة عند كم ميكانيكي يقولون الماكينه نظيفه

والسيارة الحمدلله لاتبخير ولا اي نوع من انواع التدخين مع الشكمان ولا اي تهريب

لكن مدري وين يروح الزيت ...

ايه صح نسيت اقول اني دايم اشوف زيت كثير حول غطاء الماكينة والهوز اللي عند فلتر الهواء فيه زيت بس قليل مايأثر

وفي مكان بوجي واحد عنده زيت كثير

تكفون نبي إفادتكم الله لايهينكم !

**THE KING-S 600** · 12-03-2012 01:37

المشاركة الأصلية كتبت بواسطة مهند السردي

السلام عليكم ورحمة الله وبركاته ...

ياشباب انا سيارتي تنقص زيت نقص مو طبيعي 300se 1988

يعني تقريبا كل 10 ايام علبه , وشيكت على السيارة عند كم ميكانيكي يقولون الماكينه نظيفه

والسيارة الحمدلله لاتبخير ولا اي نوع من انواع التدخين مع الشكمان ولا اي تهريب

لكن مدري وين يروح الزيت ...

ايه صح نسيت اقول اني دايم اشوف زيت كثير حول غطاء الماكينة والهوز اللي عند فلتر الهواء فيه زيت بس قليل مايأثر

وفي مكان بوجي واحد عنده زيت كثير

تكفون نبي إفادتكم الله لايهينكم !

وعليكم السلام ورحمة الله وبركاته

وش نوع الزيت أولاً ؟

الشغلة الثانية

اكشف كمبيوتر على ضغط الشنابر

وربي يوفقك.

**عبدالعزيز التميمي** · 12-03-2012 01:42

وعليكم السلام ورحمه الله وبركاته

على طاري الزيت كنت اعبي زيت سوبر jt وكان كل 1000 كيلو 4 علب وغيرته لزيت موبيل سوبر تيربو وصار كل 1000 كيلو علبه

وعلى فكره الموتر كان يهرب زيت على البواجي خاصه البوجيين اللي على اليسار في الاخير وغيرت وجهين بلوف والامور تمام والحمدلله صار2000 كيلو نص علبه والله اعلم

وإن شاء الله مشكلتك بسيطه

**مهند السردي** · 12-03-2012 02:51

الله يعطيكم العافيه على ردودكم ...

بالنسبة للزيت اللي اعبيه { سوبر جي تي 50 / 20 } الظاهر انه كذا ... اللي اعرفه ان علبته سوداء وألماني ...

الظاهر مشكلتي زي مشكلة أخوي gtr506

**smart_guy** · 12-03-2012 10:40

وعليكم السلام ورحمة الله وبركاته،،،

أتفق مع الأخ الفاضل ملك الـ600 على التأكد من ضغط الأسطوانات أولاً وذلك للتأكد أن المحرك لا يطرد أي هواء.

إن كان الضغط جيداً فتأكد من جلود البلوف بالإختبارات المنتشرة في المنتدى (شخصياً أخربط فيها صراحة) لأنها إستهلاكية في هذا النوع من المحركات. عادة خرابها يسبب طلوع الزيت على شمعات الإحتراق (البواجي).

إن كان الممشى كبيراً فمن المحتمل أن تغيير جلد البلوف سيقلل فقط من نقص الزيت ولا يتخلص منه بالكامل.

عندي نفس المحرك وبعد تغيير جلود البلوف أصبح النقص نصف قارورة كل 1000 كيلو بعد أن كان الضعفين. ممشى المحرك أكثر من 300 ألف كيلو.

الزيت المستخدم هو موبيل اكس اتش بي لأنه مدعوم من مرسيدس لهذا النوع من المحركات.

**مهند السردي** · 12-03-2012 15:22

إن شاء الله راح اكشف على الضغط ... والله يستر !

الموضوع: وين يروح الزيت ؟؟؟

أدوات الموضوع

عرض