السلام عليكم .. حبيت اشاركم تجربتي الغريبة نوعا ما , بعد ماولعت لمبة في الطبلون تفيد ان الفرامل تحتاج تغير ذهبت للوكالة قلت بسأل عن فحمات يخت 15 امامي وخلفي مع الحساس قالو لي تلطع عليك بالف 1800 بدون تركيب قطع فقط التركيب يحتاج موعد و ما علموني السعر قالو اذا جا وقت الموغد تبلغك . المهم رحت ورشة ثانية في شرق الرياض ولو يسمح الموقع اكتب اسمها عادي بكتبة هيا مشهورة بصيانة مرسيدس قالي نركب لك الفحمات اصلي وكالة مع خرط الوهبات ب 2970 . طلعت من عندة ودقيت على كذا ورشة ارخص واحد حصلتة ب 1900 . المهم دقيت على محل قطع غيار اسمة الراجحي وهو موزع معتمد للجفالي قالي الفحمات مع الحساسات ب 1100 مع الضريبة رحت وخذتها فعلا اصلية ورحت ميزان العضيب قالو ناخذ منك 300 حق التركيب مع خرط الهوبات يعني الشغلة كلها كلفتني 1400 ريال . شوف الفرق من 2900 الى 1400 .
في ملحوظة موش كل مخلات العضيب فيها مهندسين يعرفون معلومة بسيطة وهيا انه لازم ترفع هدرولي السيارة قبل لايرفعونها بالرافعة ولا يخرب عندك الهدروليك .ولو ما علمته كان رفع السيارة بدون ما يطفي الهديروليك او يرفع السيارة وكان خرب عندي الهديروليك وهو مكلف جدا . عشان كذا لازم انت تعرف هاذي المعلومة سواء بترفع السيارة عند راعي بنشر او اي محل صيانة يحتاج رفع السيارة غلى رافعة .
اتمنى اني افدتكم في تجربتي البسيطة وتقبلو تحياتي .